Profiadau Cerdded dan Arweiniad

---

Opsiwn 1:  Profiad Cerdded Nordig Hanner Diwrnod  

£35 y pen - 9.30yb - 12.30yp neu  1.30yp - 4.30yp  

Mae'r sesiwn yn dechrau gyda sesiwn friffio gyflym yn y tŷ fferm yng Nghapel Curig, Gogledd Cymru.  Dilynir hyn gan y gwaith o wneud y ffyn yn addas i bawb. Bydd eich hyfforddwr yn gwneud yn siŵr bod y ffyn yn addas ar gyfer eich taldra a'ch bod yn gyfforddus gyda'r man gafael a’r strapiau arddwrn.

Rydym yn cynnwys arddangosiad techneg yn yr awyr agored a bydd pawb yn cael cyfle i ymarfer ar un o'r caeau cyn i ni gychwyn ar ein taith gerdded!

Mae'r llwybr yn cynnwys rhywfaint o gerdded ar y ffyrdd ond llwybrau/traciau yn bennaf fel y gallwn gael rhywfaint o heddwch a llonyddwch a mwynhau rhai o olygfeydd rhyfeddol Eryri. 

Rydym yn gorffen gyda phaned a chacen gri neu fflapjac (dewis fegan a heb glwten ar gael) yn ôl yn y tŷ fferm lle gallwn rannu lluniau - ac os oes angen sychu a chynhesu!

· Cerdded dan arweiniad – 5km - 10km yn dibynnu ar y grŵp 

· Maint grŵp bach rhwng 2 a 10 o bobl 

· Cyfarwyddyd techneg

· Llogi ffyn yn gynwysedig

· Parcio am ddim

· Paned a fflapjac

Opsiwn 2:  Gyflwyniad i Gerdded Nordig - Sesiwn Flasu (1.5 oriau)

£20 y pen - 9.30yb - 11yb, 2.30yp - 4yp, neu 7yp - 8.30yp* (*dim ond yn y gwanwyn / haf)

Mae'r sesiwn hon yn canolbwyntio ar eich trawsnewid o ddechreuwr llwyr i fod yn Gerddwr Nordig!  Rydym yn cynnal sesiwn friffio diogelwch cyflym a byddwch yn cael cyflwyniad i fyd Cerdded Nordig.  Yna rydyn ni'n mynd allan i un o gaeau'r fferm i roi’r theori ar waith!  Rydym yn symud yn araf drwy'r 'camau' fel y'u datblygwyd gan INWA - y Ffederasiwn Cerdded Nordig Ryngwladol.  Bydd eich hyfforddwr yn eich tywys ar gyflymder addas i chi a chynyddu eich hyder.  

· Maint grŵp bach rhwng 2 a 10 o bobl 

· Cyfarwyddyd techneg

· Mynediad i gaeau'r fferm ar gyfer hyfforddiant/driliau

· Llogi ffyn yn gynwysedig

· Parcio am ddim

Opsiwn 3:  Cerdded Nordig Cam Nesa (1.5 oriau)

£20 y pen - 9.30yb - 11yb, 2.30yp - 4yp, neu 7yp - 8.30yp* (*dim ond yn y gwanwyn / haf)

Ydych chi wedi rhoi cynnig ar Gerdded Nordig o'r blaen ac eisiau ailgydio ynddi? 

P'un a oedd hynny ychydig fisoedd yn ôl, neu flynyddoedd lawer yn ôl, gall y sesiwn hon eich helpu i gofio a gwella eich techneg Cerdded Nordig.

Mae'r cwrs Cam Nesa wedi’i deilwra i'ch gofynion unigol chi, felly gallwn ganolbwyntio ar gerdded bryniau (i fyny ac i lawr y bryniau), gwaith cyflym, cywiro problemau gyda thechneg, a magu hyder i gerdded ar wahanol fathau o dir. 

Byddwn yn ailadrodd y 5 Cam INWA cyntaf, ac yn adeiladu ar y rhain gyda chamau 6-10 yn raddol i wella'ch techneg ac i sicrhau eich bod yn cael y budd mwyaf o gerdded gyda pholion.

· Grwpiau o faint bach, rhwng 1 a 5 o bobl 

· Cyfarwyddyd mewn Techneg Uwch

· Hawl i ddefnyddio caeau'r fferm ar gyfer hyfforddiant/ymarferion

· Mae’r gost o logi Polion Cerdded Nordig wedi'i chynnwys yn y pris

· Parcio am ddim